აკაკი წერეთლის სახელმწიფო უნივერსიტეტი სამწუხარო ინფორმაციას ავრცელებს:
უნივერსიტეტი ღრმა მწუხარებას გამოთქვამს ცნობილი ენათმეცნიერის, არიელის (ისრაელი) უნივერსიტეტის პროფესორ რუბენ ენუქაშვილის (რეუვენ ენოხი) გარდაცვალების გამო.
,,ბატონი რუბენი მრავალი წლის განმავლობაში ნაყოფიერად თანამშრომლობდა აკაკი წერეთლის სახელმწიფო უნივერსიტეტთან, იყო სამეცნიერო ჟურნალების „აწსუ უნივერსიტეტის მოამბისა“ და „ქართველური ენათმეცნიერების“ რედკოლეგიების წევრი, არიელის უნივერსიტეტისა და აწსუ-ს ერთობლივი სამეცნიერო გრანტის „ქართულენოვანი მწერლობა ისრაელში“ ერთ-ერთი ხელმძღვანელი, ჰუმანიტარულ მეცნიერებათა ფაკულტეტის სადისერტაციო საბჭოს წევრი და დოქტორანტთა სამეცნიერო ხელმძღვანელი. ვუსამძიმრებთ კოლეგებს, მეგობრებსა და ოჯახის წევრებს, ფართო საზოგადოებრიობას”, – აღნიშნულია სამძიმრის ტექსტში.