ყველა გარე ბგერა უარყოფითად როდი მოქმედებს ძილზე: მაგალითად, „თეთრი ხმაური“ ან მუსიკა ზოგიერთ ადამიანს დაძინებაშიც კი ეხმარება.
თუმცა, ხშირ შემთხვევაში, შეუსაბამო ხმები ართულებს დაძინებას ან აღვიძებს ადამიანს შუაღამისას. ყურსასმენები შესანიშნავი საშუალებაა ჯანსაღი ძილისთვის, მაგრამ შეიძლება თუ არა მათ ჯანმრთელობის სხვა პრობლემები გამოიწვიოს?
რასამბობსკვლევა?
კვლევებმა აჩვენა, რომ ყურსასმენები არის უსაფრთხო ძილის ხარისხის გასაუმჯობესებლად.
ყურსასმენები ასევე ზრდის მელატონინის, ძილის ჰორმონის დონეს.
გარდა ამისა, დაძინების სხვა მეთოდებთან შედარებით, ყურსასმენებს ნაკლები გვერდითი მოვლენები აქვთ. მაგალითად, საძილე აბებმა შეიძლება გამოიწვიოს თავბრუსხვევა და დღის ძილიანობა
რასაფრთხეს გვიქმნისყურსასმენებისგამოყენება?
ყურის არხში სასმენების საცობების გადაჭარბებულმა ზემოქმედებამ შეიძლება გამოიწვიოს ყურში გოგირდის დაგროვება, რაც იწვევს ქავილს და დისკომფორტს.
ყურის გოგირდი არის ცვილისებრი ნივთიერება, რომელიც იცავს სმენის არხს წყლის, ბაქტერიების, კანის მკვდარი უჯრედებისა და სხვა მავნე ნარჩენებისგან. ყურის გოგირდი მნიშვნელოვანია ყურების ჯანმრთელობის შესანარჩუნებლად, მაგრამ ასევე შეიძლება გამოიწვიოს პრობლემები.
სმენის არხის განმეორებითი ბლოკირება, მაგალითად, ყურსასმენების რეგულარული გამოყენებით, იწვევს ყურში გოგირდის დაგროვებას და ეს, თავის მხრივ, იწვევს ქავილს, ტინიტუსს, სმენის პრობლემებს, ხველას, თავბრუსხვევას.
ასევე, ყურსასმენების გამოყენება ზოგჯერ იწვევს ყურის ინფექციას, რადგან ბაქტერიები ყურის არხში ხვდება საყურედან ან ყურში გოგირდის დაგროვების გამო.
შეგვიძლია თუ არა ყურსასმენებითდაძინება?
ყურსასმენები რეალურად საკმაოდ უსაფრთხო და იაფი საშუალებაა უკეთესი ძილის მისაღებად. მართალია, მათმა ხშირმა გამოყენებამ შეიძლება გამოიწვიოს გოგირდის დაგროვება ან ყურის ინფექცია.
თუმცა, უძილობა გაცილებით სერიოზული პრობლემაა, ის აშკარად აჭარბებს ყურსასმენების გამოყენების რისკებს.
ძილის ნაკლებობა ზრდის ქრონიკული დაავადების რისკს და სერიოზულად არღვევს ყოველდღიურ ცხოვრებას.
მათთვის, ვინც ვერ იძინებს ხმაურიანი მეზობლების ან ქუჩის ხმაურის გამო, ყურსასმენები შეიძლება სასარგებლო იყოს. უბრალოდ არ გამოიყენოთ ისინი მუდმივად, გარდა ამისა, ხშირად შეცვალეთ.
წყარო: მკურნალი