პარლამენტის თავმჯდომარის მოადგილის გია ვოლსკის განცხადებას, რომელის მიხედვითაც ის „ტვ პირველში” სატანისტური ორგიების გამართვის ეჭვს გამოთქვამს, ჟურნალისტი ინგა გრიგოლია სოციალურ ქსელში ეხმაურება.
„არსებობს მოსაზრება, რომ ტვ პირველში სატანისტური ორგიები იმართება. არსებობს ამაზე მოსაზრება, მაგრამ რეალურად, ეს არავის დაუმტკიცებია.”
ასე უპასუხა გია ვოლსკიმ ჟურნალისტის კითხვას, რომ ელისო ბოლქვაძის ინიციატივით, შესაძლოა, პარლამენტში როიალი შეიტანონ.
რის შემდეგაც გრიგოლიამ სტატუს გამოაქვეყნა:
„აუ, ამ ბებერ კაცს რა ფანტაზიები აწუხებს თურმე… ორგიებიო ტიტუუუუუუუ”- წერს გრიგოლია.
შეგახსენებთ, რომ „ქართული ოცნების” დეპუტატი, პიანისტი ელისო ბოლქვაძე, საკანონმდებლო ორგანოში ფორტეპიანოს დადგმაზე რამდენიმე დღის წინ საუბრობდა.
„თუ არ არის ინსტრუმენტი, შეიძინონ ფორტეპიანო და ამაზე ვიფიქროთ, მეც დავუკრავ, უკეთესია, როდესაც მოცარტი და ბეთჰოვენი გაჟღერდება პარლამენტის კედლებში, მე ვფიქრობ, რომ მას მეტი სულიერება ექნება და მეტი ჰარმონია შემოვა ისეთ საკანონმდებლო ორგანიზაციაში, როგორიც არის პარლამენტი”, – განაცხადა ბოლქვაძე „იმედის” ეთერში.
კომენტარები
0 კომენტარები
