უხვმა ნალექმა და ძლიერმა წვიმამ ქუთაისში პრობლემები შექმნა – სტიქიის გამო იუსტიციის სახლში სერვისების გაცემა დროებით შეფერხებულია, დატბორილია პროკურატურაც.
იუსტიციის სახლის ცნობით, ფილიალის მიმდებარე ტერიტორიაზე მობილიზებულია მობილური იუსტიციის სახლები, საიდანაც შესაძლებელი იქნება მზა დოკუმენტების მიღება და განაცხადის ჩაბარება, ასევე, სერვისის მისაღებად განაცხადის ჩაბარება შესაძლებელია იუსტიციის სახლის ხონის, გეგუთის და წყალტუბოს ფილიალებში.
“ხარვეზის აღმოსაფხვრელად სამუშაოები ინტენსიურად მიმდინარეობს. ფილიალის მუშაობის აღდგენის შესახებ ინფორმაცია განთავსდება იუსტიციის სახლის ოფიციალურ ფეისბუქგვერდზე. ბოდიშს გიხდით შეფერხებისათვის”, – წერს იუსტიციის სახლი.e
ასევე დატბორილია შენობების პირველი სართულები, გზები და საცხოვრებელი სახლები. დაზიანებულია ტექნიკა, ავეჯი და საყოფაცხოვრებო ნივთები.
ცნობისთვის, წერეთლის ქუჩის რეაბილიტაცია ერთი წლის წინ განხორციელდა.