Daily Mail-ის ინფორმაციით, „ნიუკასლ იუნაიტედი“ მზადაა, საქართველოს ნაკრებისა და „ნაპოლის“ შემტევის, ხვიჩა კვარაცხელიას სანაცვლოდ 95 მილიონი ევრო გადაიხადოს. საჭიროების შემთხვევაში კი, შესაძლოა, თანხა 100 მილიონამდე გაიზარდოს.
ჯერჯერობით „ნაპოლის“ ინგლისელებისთვის არ უპასუხია. მართალია, ნეაპოლელებს კვარაცხელიას შენარჩუნება სურთ, მაგრამ თანხა იმდენად დიდია, რომ შესაძლოა, სატრანსფერო ფანჯრის დახურვამდე სიტუაცია შეიცვალოს.
შეგახსენებთ, იტალიელებმა ხვიჩას სანაცვლოდ 10 მილიონი ევრო გადაიხადეს.
ზემოაღნიშნული თანხა კი, რომელსაც „ნიუკასლი“ კვარცხელიაში იხდის, ინგლისური კლუბისთვის სარეკორდოა. მათ აქამდე ყველაზე მეტი, 63 მილიონი გირვანქა სტერლინგი, ალეკსანდერ ისაკში აქვთ გადაიხადეს.
ხვიჩა კვარაცხელია გასულ სეზონში სერია A-ს სეზონის საუკეთესო ფეხბურთელად და ჩემპიონთა ლიგის სეზონის საუკეთესო ახალგაზრდა ფეხბურთელად დასახელდა. მან ყველა ტურნირზე 43 მატჩში 14 გოლი გაიტანა და 14 საგოლე პასი გააკეთა.
შემდეგ სეზონში „ნიუკასლი“ ჩემპიონთა ლიგაზე ითამაშებს.