ზაფხულის სიცხე გულ-სისხლძარღვთა სისტემის მუშაობაზე მნიშვნელოვან გავლენას ახდენს, ამიტომ ზოგ ადამიანს სიცხეში თავის ტკივილი ეწყება.
ექიმების განმარტებით სიცხე თავის ტკივილს იწვევს, რადგან სისხლძარღვების სწრაფ რეაქციას – შეკუმშვას და მოდუნებას მოითხოვს. ამასთან სიცხე ყველაზე მძიმედ თირკმელზედა ჯირკვლის დისფუნქციისა და ვეგეტატიურ-სისხლძარღვოვანი დისტონიის (გულის უკმარისობა, ჰიპოტენზია (დაბალი წნევა, გულყრისკენ მიდრეკილება, ორგანიზმის საერთო სისუსტე), ჰიპერტენზიული (ახასიათებს აწეული არტერიული წნევა).
ცნობისათვის – ზაფხულის სიცხეში თავის ტკივილის აცილებისა და სისხლძარღვების მუშაობის გაუმჯობესებისთვის შეგიძლიათ ყავა ან მაგარი ჩაი მიირთვათ. ეფექტურია ასევე სპეციალური ვარჯიში, რომელიც მხოლოდ 15 წუთს წაგართმევთ:
ვარჯიშისთვის ორი საშუალო ზომის ტაშტი დაგჭირდებათ.
ერთში თბილი, მეორეში კი ცივი წყალი ჩაასხით და მონაცვლეობით 30 წამის განმავლობაში ჩაუშვით ფეხები, სანამ ტაშტებში წყლის ტემპერატურა არ გათანაბრდება.
ჩვეულებრივ ამას 10-15 წუთი სჭირდება.
გახსოვდეთ, რომ ზაფხულის სიცხეში სისხლის მიმოქცევის სისტემის მუშაობაზე ოფლიანობა და მასთან დაკავშირებული დეჰიდრატაცია უარყოფითად მოქმედებს.
დეჰიდრატაციის დროს ერითროციტები კაპილარებში გავლისას ერთმანეთს ეწებება, რაც ჟანგბადის მიწოდებას ანელებს და ქსოვილების ჰიპოქსიას იწვევს. ამის თავიდან ასაცილებლად გირჩევთ საკმარისი რაოდენობის წყალი დალიოთ.