როდესაც დამღლელ ვარჯიშს დაასრულებთ, პირველი, რაც შესაძლოა გაგახსენდეთ საკვებია.
რა თქმა უნდა, ვარჯიშის შემდეგ ცილების, რთული ნახშირწყლებისა და ჯანსაღი ცხიმების მიღება აღადგენს ენერგიასა და კუნთებს. მაგრამ რამდენი უნდა ჭამოთ და ნორმალურია თუ არა ვარჯიშის შემდეგ გაძლიერებული შიმშლი?
მიუხედავად იმისა, რომ ვარჯიშის დროს შეიძლება შეამჩნიოთ მადის დაქვეითება, ვარჯიშის შემდეგ შესაძლოა შიმშილის გრძნობა გაგიჩნდეთ.
ნაჩვენებია, რომ ვარჯიში თრგუნავს გრელინს, შიმშილის გამომწვევ ჰორმონს და ასტიმულირებს ჰორმონების PYY და GLP-1 გამოყოფას, რომლებიც ამცირებენ მადას. მაგრამ ეფექტი ხანმოკლეა, ჩვეულებრივ გრძელდება არა უმეტეს ერთი საათისა ვარჯიშის შემდეგ.
ზოგიერთი კვლევა აჩვენებს, რომ მადის დამთრგუნველი ეფექტი შეიძლება ოდნავ ნაკლებად გამოხატული იყოს ქალებში, ვიდრე მამაკაცებში. ქალებს შესაძლოა მეტად გაუჩნდეთ მიდრეკილება ჭარბი საკვებისკენ ენერგიის კომპენსაციისთვის.სხვა კვლევაში (მხოლოდ მამაკაცებზე ჩატარებული), მკვლევარებმა დაადგინეს, რომ უფრო ზომიერი და ხანგრძლივი ვარჯიში (საათი ან მეტი) აჩენს უფრო ძლიერ შიმშილის გრძნობას, ვიდრე ინტენსიური და მოკლე, 20-დან 30 წუთამდე ვარჯიში.
ვარჯიში წვავს კალორიებს, სხეული ბუნებრივად მიანიშნებს იმაზე, რომ მას სჭირდება მეტი საკვები. 45 წუთი ვარჯიშის შემდეგ გლიკოგენის მარაგი კუნთებსა და ღვიძლში მნიშვნელოვნად მცირდება.
როგორ შევაჩეროთ ჭარბი კვება ვარჯიშის შემდეგ
დალიეთ სითხე – ვარჯიშის წინ, ვარჯიშისას და მის შემდეგ. თუ ვარჯიშის შემდეგ ადეკვატური რაოდენობით წყალს იღებთ და 30 წუთის შემდეგ კვლავ მშიერი ხართ, თამამად შეიძლება ითქვას, რომ ჭამის დროა. მაგრამ ეცადეთ მიიღოთ ხარისხიანი საკვები, რომელიც შედგება რთული ნახშირწყლებისა და ცილებისგან. ინტენსიური ვარჯიშის შემდეგ გრილი წყალი არეგულირებს სხეულის ტემპერატურას, აღადგენს ენერგიის დონეს, ებრძვის დაღლილობას და კუნთების კრამპს. მაგრამ, დარწმუნდით, რომ არ იღებთ ხელოვნური დამატკბობლების შემცველ სასმელებს.
ვარჯიშამდე მიიღეთ საკვები – ვარჯიშის წინ მსუბუქი საკვები დაგეხმარებათ ვარჯიშის შემდეგ შიმშილის გრძნობის შემცირებაში. სასურველია ბერძნულ იოგურტის, ბანანის, ან რძის მიღება.
მიიღეთ პროტეინები – ცილა ძალიან მნიშვნელოვანია, რადგან ის აშენებს და აღადგენს კუნთებს.
ჭამის პროცესის უბრალოდ შენელებამ შეიძლება გადაგაფიქროთ, მიირთვათ თუ არა დიდი რაოდენობით საკვები.
გადახედეთ ვარჯიშს – იფიქრეთ იმაზე, თუ რამდენი კალორია დაწვით ვარჯიშის დროს. მიირთვით არაუმეტეს ნახევარი კალორიისა, რომელსაც წვავთ ვარჯიშის დროს. ასე რომ, თუ სირბილით დაწვავთ 300 კალორიას, მიიღეთ 150 კალორია ჯანსაღი საკვების წყაროებიდან
წყარო: მკურნალი