ნინო ლომჯარია საქართველოს უნივერსიტეტის სამართლის სკოლის ადამიანის უფლებების ცენტრის ხელმძღვანელი გახდა.
“გვინდა სიხარულით გაცნობოთ, რომ საქართველოს უნივერსიტეტის სამართლის სკოლის ადამიანის უფლებების ცენტრს, ნინო ლომჯარია უხელმძღვანელებს.
📌 ნინო ლომჯარიას მიღებული აქვს მაგისტრის ხარისხი 2006 წელს, ივანე ჯავახიშვილის სახელობის თბილისის სახელმწიფო უნივერსიტეტში, ხოლო 2011 წელს, სენტ-ლუისის ვაშინგტონის უნივერსიტეტში, აშშ-ში. 2017-2022 წლებში, ნინო ლომჯარია იყო საქართველოს სახალხო დამცველი. გარდა ამისა, იგი სხვადასხვა დროს მუშაობდა ისეთ ორგანიზაციებში, როგორებიცაა: GYLA, ISFED. 2014 წლიდან უძღვება სალექციო კურსებს სხვადასხვა უნივერსტიტეტში. ასევე აღსანიშნავია, რომ აშშ-ის სახელმწიფო დეპარტამენტმა ნინო ლომჯარიას „2022 წლის ადამიანის უფლებების დამცველების გლობალური ჯილდო“ მიანიჭა.
📌 ადამიანის უფლებების ცენტრის მიზანი, ადამიანის უფლებების შესახებ ხარისხიანი განათლების ხელმისაწვდომობის ხელშეწყობაა. ცენტრის საქმიანობა მოიცავს, მათ შორის, სტუდენტებისთვის ადამიანის უფლებების საკითხებზე დისკუსიების, დებატების, კონკურსების, იმიტირებული პროცესების, სასწავლო ვიზიტებისა და სტაჟირების პროგრამების შეთავაზებას.
წარმატებებს ვუსურვებთ მას!”, – წერს საქართველოს უნივერსტეტი.