ჩეხეთში, 7 ქართველი დააკავეს. ადგილობრივი მედიის ინფორმაციით, საქართველოს მოქალაქეები სიგარეტის უკანონო წარმოების საქმეში ფიგურირებდნენ.
ამ ბრალდებით, ქვეყანაში, სულ 13 პირი დააკავეს. ყველა მათგანი უცხოელია. საგამოძიებო მოქმედებების შედეგად, 8,5 მილიონი უაქციზო სიგარეტი ამოიღეს, რომელთა უმეტესობა Marlboro-ს ბრენდის იყო.
გარდა ამისა, დაკავებულებს ჩამოერთვათ 22 ტონა თამბაქო და მანქანა, რომელსაც წუთში 2 500-მდე სიგარეტის წარმოება შეუძლია.
გამოძიება გადასახადებისგან თავის არიდებისა და უაქციზო სიგარეტების დამზადებისთვის მიმდინარეობს, რაც რვა წლამდე ვადით პატიმრობას ითვალისწინებს.
„სამწუხაროდ, არსებული ეკონომიკური ვითარებიდან გამომდინარე, მოსალოდნელია, რომ ამ ტიპის დანაშაული კვლავ გაიზრდება“, – განაცხადა საგამოძიებო განყოფილების დირექტორის მოადგილემ, მიხალ შიმინეკმა.
წყარო: tv25.ge