რა დაავადებები შეიძლება „შევიძინოთ“ ტატუს საშუალებით

ტატუირების დროს არსებობს B და C ჰეპატიტის, ასევე აივ ინფექციის რისკი. ახლა ეს იშვიათად ხდება, რადგან სპეციალისტები იყენებენ ერთჯერად ინსტრუმენტებს.
ყველაზე ხშირად, მრავალჯერადი ინსტრუმენტების გამოყენებისას, გადადის ისეთი დაავადებები, როგორიცაა ვირუსული ჰეპატიტი B, C, აივ, ჰერპეს ვირუსი და სტაფილოკოკური ინფექცია. C, B ჰეპატიტი და აივ ინფექცია გადაეცემა სისხლით, ეს შეიძლება მოხდეს ტატუს გაკეთებისას, თუ ნემსი ადრე იყო დაბინძურებული ინფიცირებული ადამიანის სისხლით.

ჰეპატიტის ადრეულ ეტაპზე ამოცნობა შეუძლებელია. უფრო მეტიც, არის შემთხვევები, როცა ადამიანმა მთელი ცხოვრების მანძილზე არ იცის, რომ ამ დაავადებითაა დასნებოვნებული. ზოგჯერ ვითარდება მწვავე ვირუსული ჰეპატიტი, რომელიც მთავრდება ან გამოჯანმრთელებით ან ქრონიკული დაავადებისა და ღვიძლის ციროზის განვითარებით.

B ჰეპატიტისგან თავის დასაცავად, საჭიროა ვაქცინაცია.

C ჰეპატიტისა და აივ-ის საწინააღმდეგო ვაქცინები ჯერ არ არსებობს.

გარდა ამისა, უნდა დავრწმუნდეთ, რომ სპეციალისტი ტატუს გაკეთებისას იყენებს ახალ ნემსებს და გამოყენების შემდეგ ახდენს მათ უტილიზაციას. გარდა ამისა, სპეციალისტმა უნდა მოახდინოს კანის დეზინფექცია, ასევე გამოიყენოს ნიღაბი და ხელთათმანები.

წყარო: მკურნალი