გარემოს ეროვნული სააგენტოს ინფორმაციით, 12 ივლისის დილამდე, საქართველოში მოსალოდნელია ხანმოკლე წვიმა, ზოგან ძლიერი და ელჭექი, აღმოსავლეთ საქართველოს ცალკეულ რაიონებში სეტყვა.
11-12 ივლისს იქროლებს დასავლეთის მიმართულების ძლიერი ქარი. ზღვაზე 3-4 ბალიანი შტორმი.
მოსალოდნელმა ძლიერმა წვიმებმა საქართველოს მდინარეებზე შესაძლებელია წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს.
ხვალიდან, მთელ საქართველოში გამოიდარებს, მათ შორის, ზღვისპირეთში. ტემპერატურაც ნელ-ნელა მოიმატებს. უნალექო ამინდი შენარჩუნდება 16 ივლისამდე.