Balenciaga-ს შემოქმედებით დირექტორის დემნა გვასალიას ძმამ გურამ გვასალიამ The New York Times-სს ინტერვიუ მისცა.
გურამი Vetements-ის კრეატიული დირექტორია. აღნიშნულ მედიასთან მან თავის კარიერასა და დემნაზე ისაუბრა.
გურამ გვასალიას თქმით, ბოლო ხუთი თვეა, მადონასთან უახლესი ტურის კოსტიუმებზე მუშაობს და იმედოვნებს, რომ ეს თანამშრომლობა დიდ შედეგს მოუტანს.
გურამმა დემნასთან მიმართებასაც გაუსვა ხაზი.
„ჩემი ძმა 6 წლით არის უფროსი. ადრე მას ცხოვრებაში განსაზღვრული შესაძლებლობები ჰქონდა. თუმცა თუ იმას გავითვალისწინებთ, სად ვარ მე ახლა და სად იყო ჩემი ძმა ამ ასაკში, ვფიქრობ, მე საერთო ჯამში გაცილებით დიდი წინსვლა მაქვს“, – აღნიშნა მან.
შეგახსენებთ, გურამ გვასალია Vetements-ის კრეატიული დირექტორის პოსტზე 2021 წლიდან მუშაობს.