შავ ზღვაში წყლის უსაფრთხოების საკითხი აქტუალური უკრაინაში კახოვკის ჰესის აფეთქების შემდეგ გახდა, აღნიშნულ საკითხთან დაკავშირებით “მეტრონომი” “საქართველოს მწვანეთა მოძრაობის” წარმომადგენელსა და გარემოს დამცველ ნინო ჩხობაძეს დაუკავშირდა. ეკოლოგმა ჩვენთან საუბრისას აღნიშნა, რომ ამ ეტაპზე დაბინძურების მაჩვენებელი ნორმაშია.
როგორია ახლა შავი ზღვის მდგომარეობა და რამდენად დაბინძურებულია? არის თუ არა შანსი მთლიანად ჩაიკეტოს შავი ზღვის სანაპირო ზოლი?
დღესდღეობით საფრთხე არ გვაქვს. ზღვის ნაკადი მიედინება სამხრეთით და ჩრდილოეთით და ჩვენთან ჯერ არ მოაღწევს. მიდის ახლა ზღვის მონიტორინგი და იმედია, ყველა დამშვიდდება და ნახავენ, რომ მართლაც სუფთაა წყალი ამ ეტაპისთვის. გარემოს დაცვითი სააგენტო 10 დღეში ერთხელ ატარებს მონიტორინგს, რაც ნამდვილად სწორი ნაბიჯია.
ძირითადი პრობლემები, რა თქმა უნდა ოდესაშია, რუმინეთმა ცოტა ხნით დაკეტა სანაპირო, თუმცა შემდეგ გახსნა, რადგან იქაც სუფთაა ზღვაა.
ბოლო პერიოდში სოხუმის სანაპიროზე მკვდარი შინაური ცხოველები რამდენჯერმე გამორიყა წყალმა , ამბობენ რომ კაშხლის აფეთქების შემდეგ წყალმა ოდესიდან ჩამოიტანა და რამდენად შესაძლებელია ეს მომხდარიყო?
არ არის შესაძლებელი, ეს გამოეწვია კაშხლის აფეთქებას, ძროხების გამორიყვა უფრო წვიმების შედეგია.
უნდა ველოდოთ თუ არა ჩვენს სანაპიროზე დაბინძურების ნიშნებს?
ნაკლებად შესაძლებელია ჩვენამდე მოაღწიოს დაბინძურებამ. რადიაციული ნივთიერებები ამჟმად არ არის შავ ზღვაში, თუ არ მოხდა უკრაინაში აფეთქება ეტომურ ელექტროსადგურზე, ჩვენ არაფერი გვემუქრება.
მაგრამ ვერაფერს ვამბობ საბრძოლო მასალაზე. შეიძლება მოაღწიოს კიდეც ჩვენს სანაპირომდე. ბათუმში იყო აფეთქება თებერვალში, ეს იყო ნაღმი, რომელიც ჩაშვებული იყო წინა წლის გაზაფხულზე. მანამდე იყო აფეთქებები რუმინეთის ტერიტორიაზე და თურქეთშიც.