ჟურნალისტი, გოჩა მირცხულავა, სოციალურ ქსელში საპატრიარქოს თანამშრომლის გარდაცვალებას ეხმაურება და წერს:
“მაქვს გონივრული ეჭვი:
ქალბატონი რუსიკო, საპატრიარქოს მეორე სართულის დამლაგებელი, რომელიც პროფესიით მუსიკოსი გახლდათ, სიკვდილამდე მიიყვანეს, ან მოკლეს. ამიტომ – კვალის დაფარვის მიზნით იყვნენ წინააღმდეგნი გამოძიების დაწყების;
ცხადია, არავინ იტყვის, რომ ქალბატონი რუსიკო შურით იყო აღვსილი მეუფე შიოს მიმართ, რომ მასზე უკეთ უკრავდა ვიოლინოზე და ეს გახდა გარდაცვალების მიზეზი;
ქალბატონი რუსიკოს გარდაცვალების ამბავი ორი დღის წინ გავრცელდა სოცქსელით, ეს პოსტი როგორც ვხედავ წაშლილია – интересно- არა?
უფრო საინტერესო, რადგან ბატონი ჩუბინიძის უწყებისთვის ცნობილი იყო შესაძლო მოწამვლის ფაქტი, მაშინ რატომ არ დაიწყო გამოძიება? ან როდესაც უკვე გაკეთდა ოფიციალური კომენტარი მაშინ რამ შეაკავა შსს?
თუ ამ “საქმის” ქალბატონი რუსიკოსთვის შეტენვა არ გინდათ, თუნდაც მოარული ხმების დონეზე, გამოდის ამდენი დღეა საქართველოს საპატრიარქოში დადის მკვლელი და ქართველ სამართალდამცავებს და პარლამენტის თავმჯდომარეს ეს ფეხებზე გკიდიათ? არ არის ეს სამსახურებრივი გულგრილობა და პოლიტიკური სიბეცე? პარლამენტის თავმჯდომარე ვისკენ იშვერდა ხელს? პირველი მგონი ჯაღმაიძე და პაპუაშვილი უნდა დაიკითხონ და ნუ დაიწყებთ იმაზე საუბარს, რომ მან პოლიტიკური განცხადება გააკეთა. მოვითხოვ დაიკითხოს განსაკუთრებით ბატონი პაპუაშვილი. რაც შეეხება ბატონ ჯაღმაიძეს, რადგან ის ეწინააღმდეგებოდა საპატრიარქოში გამოძიების დაწყებას, თავად ხომ არ არის ის პირი, რომელსაც რაიმე
სახის შემხებლობა აქვს ქალბატონი რუსიკოს გარდაცვალებასთან? ან სულაც ინტოქსიკაციის იმიტაციასთან? ჩინური კალამიც რომ დაღეჭო ორი/სამი ცალი სისხლში რომ ცვლილებები იქნება ყველამ იცის.
ვუშვებ იმ ვერსიასაც, რომ საქმე შემოიდება თაროზე – მაგრამ მანამ, არაოფიციალურად დაუკავშირებენ ამ საქმეს სამ მეუფეს (ორს მაინც) – სახელებს შეგნებულად არ დავწერ და მათ ცალ-ცალკე დააშანტაჟებენ / გააჩუმებენ, რადგან ისინი ვერ შეძლებენ დაამტკიცონ, რომ არანაირი შემხებლობა საქმესთან არ აქვთ.
ციანიდით ხომ გააჩუმეს სამუდამოდ დიმიტრი, ეგრე გაჩუმდებიან ესენიც.
რა თქმა უნდა, ოფიციალურად არაფერი მოხდება, მაგრამ “ხალხს” ეცოდინება “სიმართლე”, რომელიც “ცოლ-ქმარს” (საპატრიარქოს და ხელისუფლებას) აწყობს.
და ბოლოს, საქართველოს საპატრიარქო და კონკრეტული პერსონები არიან დანაშაულის დამფარავები – რაც თავისთავად დანაშაულია. ქალბატონი რუსიკოს გარდაცვალება ბუნებრივი სიკვდილით საეჭვოა და გასარკვევია სიმართლე, რომელსაც არავინ გაარკვევს. თავს მხრივ დანაშაული – სამსახურებრივი გულგრილობა – იკვეთება შსს-ს ქმედებაში. მოკლედ რადგან დამნაშავე ბევრია გამოსავალია
დამნაშავის “დანიშვნა” ან პაპუაშვილი-ჯაღმაიძის მიერ, ან ეს იქნება გარდაცვლილი ქალბატონო, ან ჰო, მესამე ვარიანტი ბევრად საინტერესოა 🙂 რას ვიცინებ თუ “მას” შესტენით 🙂”