ამერიკული მედიის ინფორმაციით, კომპანია Twitter-იმ შესაძლოა, რომ Meta-ს ტექსტური აპლიკაციის Threads-ის გამო სასამართლოში უჩივლოს.
გავრცელებული ცნობით, Twitter-ის იურიდიული წარმომადგენელი ალექს სპირო Threads-ს ტექსტური აპლიკაციის “ასლის” შესაქმნელად Twitter-ის თანამშრომლების დაქირავებასა და ინტელექტუალური საკუთრების უფლების დარღვევაში ადანაშაულებს.
Meta-ს წარმომადგენლის ენდი სტოუნის განცხადებით, Threads-ის გუნდში Twitter-ის ყოფილი თანამშრომლები დაქირავებულნი არ ყოფილან.