საქართველოს მეოთხე პრეზიდენტი გიორგი მარგველაშვილი ევროპულ საქართველოსთან“, ასევე “ლელოსთან“ და კიდევ სხვა პოლიტიკურ პარტიებთან კონსულტაციებს ადასტურებს. აღნიშნულის შესახებ მარგველაშვილმა „რუსთავი 2“-ის ეთერში განაცხადა. ექს პრეზიდენტი აცხადებს, რომ ამ კონსულტაციების დროს ლაპარაკი რაიმე პოლიტიკურ გაერთიანებაზე ჯერჯერობით არ არის და არ მოიაზრება.
„მე მინდა დაგიდასტუროთ, რომ მე ვარ კონსულტაციებში „ევროპულ საქართველოსთან“, „ლელოსთან“, სხვა პოლიტიკურ ძალებთან, ერთ საკითხთან დაკავშირებით – ეს არის როგორ იქნას მიღწეული ახალი საპარლამენტო არჩევნები და როგორ არ დაზარალდეს დემოკრატია და ჩემი სამშობლო არ დაუბრუნდეს საქართველოს მაგივრად, საქართველო სსრ არ გახდეს ისევ. ამასთან დაკავშირებით ვარ კონსულტაციებში. ამას ერთმნიშვნელოვნად გიდასტურებთ“, – აცხადებს გიორგი მარგველაშვილი.