ინდოელი სტუდენტები ლექტორს საგნის მიზანმიმართულად ჩატოვებაში ადანაშაულებენ. საუბარია სამედიცინო ფაკულტეტის პირველი, მეორე და მესამე კურსის სტუდენტებზე.
ახალგაზრდები აცხადებენ, რომ რუსუდან ვადაჭკორია მათ საჭირო ქულას არ უწერს, რის გამოც დასკვნით გამოცდაზე გასვლას ვეღარ ახერხებენ.
მიზეზად სწავლის ზედმეტი საფასურის გადახდის ინტერესს ასახელებენ.
„ისინი ამას განზრახ აკეთებენ, რათა სტუდენტებს მეტი ფული გადაახდევინონ იმ საგნების დასაწერად, რომლებსაც ვერ ჩააბარებენ. ლექტორი რუსუდანი, რომელიც ანატომიას ასწავლის, არ აძლევს სტუდენტებს არანაირ შეფასებას, რაცა რ უნდა კარგად ისწავლონ. ღარიბი სტუდენტები ამის გამო იტანჯებიან, ვერ იღებენ ტრანსფერს, რადგან ინდოეთში მუშაობის უფლებას არ მისცემენ, უნივერსიტეტმა ეს კარგად იცის და სტუდენტების წინააღმდეგ იყენებს. – აცხადებენ სტუდენტები.
ინდოეთიდან განათლების მისაღებად ჩამოსულები ამბობენ იმასაც, რომ მსგავსი პრობლემა სხვა ლექტორებთანაც აქვთ და გაფიცვას აანონსებენ.
„ბსუ“-ში ბრალდებებს უარყოფენ და აცხადებენ, რომ უნივერსიტეტს, ამ სქემით, ფინანსური სარგებლობა ვერ ექნება, რადგან უმაღლესი სასწავლებელი კარგავს შესაძლებლობას, მიიღოს ახალი ნაკადი.
წყარო: tv25.ge