„მთავარი არხის“ გენერალური დირექტორი ნიკა გვარამია საქართველოს ნაკრებისა და „ნაპოლის“ ქართველი ვარსკვლავის, ხვიჩა კვარაცხელიას მიერ ევროპის მიმდინარე U21 ჩემპიონატზე თამაშზე უარის თქმას გამოეხმაურა.
„ძლივს და როგორც იქნა, არ იცანცარა ქართველმა, გონივრულად, რაციონალურად და გაწონასწორებულად მიუდგა საკითხს და ეგრევე მარხავს ნახევარი საქართველო.
რატომ უნდა ეთამაშა მსოფლიო ვარსკვლავ კვარაცხელიას ახალგაზრდულ ნაკრებში?! კაცის ერთადერთი შემჩერებელი ტრავმაა და რაც ნაკლებს ითამაშებს, მით – უკეთესი. მით უმეტეს, მეორე ეშელონის შეჯიბრებში, როგორსაც წარმოადგენს U21 ევროპის ჩემპიონატი – გინდა ასე შეხედე, გინდა ისე“, – წერს ის.
შეგახსენებთ, ჩემპიონატის დაწყებამდე კვარაცხელიამ განაცხადა, რომ მძიმე სეზონის გამო ნაკრებს ვერ დაეხმარებოდა. გულშემატკივართა ნაწილის მხრიდან კვარაცხელიას მიერ თამაშზე უარის თქმამ უკმაყოფილება გამოიწვია. ხვიჩა ძალიან ბევრმა ადამიანმა გააკრიტიკა.
რამაზ სვანაძის გუნდმა თავისი ჯგუფი მოიგო, თუმცა 1/4-ფინალში ისრაელთან დამარცხდა და ტურნირს გამოეთიშა.