ეკატერინე ტიკარაძის განცხადებით, მისთვის უცნობია გეგმავს თუ არა პრემიერი მთავრობის ახალ შემადგენლობაში ჯანდაცვის მინისტრის პოსტზე მისი კანდიდატურის წარდგენას. როგორც მან მთავრობის სხდომის დასრულების შემდეგ გამართულ ბრიფინგზე განაცხადა, გიორგი გახარიას გადაწყვეტილებას დაემორჩილება.
„ბატონი პრემიერის სურვილის შესახებ ინფორმაცია არ მაქვს და მე დავემორჩილები არა პრემიერის სურვილს, არამედ მის გადაწყვეტილებას”, – აღნიშნა ეკატერინე ტიკარაძემ.
ჯანდაცვის მინისტრის მოვალეობის შემსრულებელმა ასევე განმარტა, რომ მას სამედიცინო სექტორთან კარგი ურთიერთობა აქვს და წარმოდგენა, თითქოს მას კლინიკების ხელმძღვანელობასთან გარკვეული უთანხმოება ჰქონდა, მედიის შექმნილია.