„აპატიეთ, დაივიწყეთ და დაუბრუნეთ ნუცას სიცოცხლე“ – ფადი ასლი ბუზალაძეზე

ბიზნესმენი ფადი ასლი მომღერალ ნუცა ბუზალაძესთან მიმართებით წარმოქმნილ აგრესიას გამოეხმაურა.

„ნუცა ბუზალაძის შესახებ.
ეს ციტატა 10 წლის წინ დავწერე:
„ცხოვრებაში ჩვენ ვიღებთ გადაწყვეტილებებს, რომლებიც გვჯერა, რომ სწორია დროის კონკრეტულ მომენტში, მაგრამ გარემოებები შეიძლება შეიცვალოს და ის, რაც ადრე სწორ გადაწყვეტილებად მივიჩნიეთ, მოგვიანებით შეიძლება საშინელებად იქცეს“.
ჩვენ ყველას გვაქვს ცხოვრებაში დაშვებული საშინელი შეცდომები; როგორც თითოეულმა ჩვენგანმა ნუცამ დაუშვა შეცდომა, რომელიც შემდეგ მწარედ ინანა და ოფიციალურად ბოდიში მოიხადა.
ნუცას ჩაქოლვის ნაცვლად, გაიხსენეთ იესოს სიტყვები: „ვინც თქვენ შორის უცოდველია, პირველი ქვა მან ესროლოსო”.
ასე რომ, გთხოვ, აპატიეთ დაივიწყეთ და დაუბრუნეთ ნუცას სიცოცხლე, ისევე როგორც სხვებმა გვაპატიეს ჩვენი შეცდომის გამო და დაგვიბრუნეს სიცოცხლე და გთხოვ, არასოდეს დაივიწყო, რომ ნუცამ რამდენიმე თვეში მეტი გააკეთა საქართველოსთვის ვიდრე ბევრმა ჩვენგანმა გააკეთა ქვეყნისთვის ცხოვრებაში“, – წერს ის.

შეგახსენებთ, რამდენიმე დღის წინ ბუზალაძე მოსკოვში ჩავიდა და წვეულებაზე იმღერა, რამაც საქართველოში, მოქალაქეების მხრიდან ძალიან დიდი აგრესია გამოიწვია.
მომღერალმა თავისი ნაბიჯი განმარტა. მან აღნიშნა, რომ მოსკოვში მეგობრის დაბადების დღეზე ჩავიდა და მას სიმღერის შესრულებაზე უარი ვერ უთხრა. აღნიშნულის გამო ბუზალაძემ მოიბოდიშა.