ახალგაზრდა ფეხბურთელის გიორგი შაქარაშვილის გარდაცვალების საქმეზე ახალი დეტალი გახდა ცნობილი. ტელეკომპანია იმედის გადაცემა „ქრონიკის“ ეთერში ადგილობრივმა მწყემსმა განაცხადა, რომ მან მოისმინა ახალგაზრდების საუბარი, რომლებიც აცხადებდნენ, რომ გიორგი შაქარაშვილი მდინარე არაგვში კლდიდან გადავარდა.
ამ დროისთვის მომხდარზე ჯერ არავინ დაუკავებიათ. გარდაცვლილის ცხედარს ექსპერტიზა უტარდება. მანამდე ოჯახმა საქმეში დამოუკიდებელი ექსპერტის ჩართვა მოითხოვა.
19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.