ავტოსაგზაო შემთხვევა მოხდა ავლაბარში.
მეტროსადგურ „ავლაბრის“ მიმდებარე ტერიტორიაზე ყვითელი სამგზავრო ავტობუსი გზის სავალი ნაწილიდან გადავიდა და ხეს შეეჯახა. ამის შესახებ ინფორმაციას 1tv.ge ავრცელებს.
მომხდარის შედეგად, დაიღუპა ავტობუსის მგზავრი, შუახნის ქალი. ავტობუსის მძღოლი დაშავებულია.
როგორც შინაგან საქმეთა სამინისტროში აცხადებენ, მომხდარზე გამოძიება სსკ-ის 276-ე მუხლის მეექვსე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
ადგილზე იმყოფებიან სამართალდამცველები.
ფოტო: 1tv.ge