ქალი, რომელიც ყოფილმა ქმარმა მოკლა, წარმოშობით ხაშურის მუნიციპალიტეტიდან არიან.
ოჯახის ახლობლები ამბობენ, რომ გარდაცვლილი ქმარს რამდენიმე წლის წინ გაშორდა და მას შემდეგ თბილისში ქირით ცხოვრობდა.
როგორც ისინი ამბობენ, დაღუპულს მშობლიურ სოფელში გადაასვენებენ.
შეგახსენებთ, რომ ყოფილი ცოლის განზრახ მკვლელობისთვის, პოლიციამ 1992 წელს დაბადებული ნ.ლ. ცხელ კვალზე დააკავა.
“გამოძიებამ დაადგინა, რომ ბრალდებულმა საკუთარ ავტომობილში, ურთიერთშელაპარაკების ნიადაგზე, ყოფილი მეუღლე – 1996 წელს დაბადებული მ.მ. თოკით გაგუდა. ბრალდებულმა დანაშაულის დაფარვის მიზნით, ცხედარი, მეორე დღეს ნაქირავები ავტომობილის საბარგულში მოათავსა, გლდანის ციხის მიმდებარე ტერიტორიაზე მივიდა და ხევში გადააგდო”, – ნათქვამია შსს-ს განცხადებაში.
ოჯახის წევრის მიმართ ჩადენილ განზრახ მკვლელობის ფაქტზე, გამოძიება საქართველოს სისხლის სამართლის კოდექსის 11 პრიმა 109-ე მუხლით მიმდინარეობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
წყარო: mozaikanews.ge