კვარაცხელიამ, შეიძლება, იტალიის ჩემპიონობა დღესვე იზეიმოს

მილანის „ინტერმა“ „ლაციოს“ უმასპინძლა და 3:1 დაამარცხა.

ამ დაპირისპირებაზეც იყო დამოკიდებული, „ნაპოლი“ სეზონის დასრულებამდე ექვსი ტურით ადრე ოფიცილურად მოიპოვებს თუ არა ჩემპიონის ტიტულს. სპალეტის გუნდს „სკუდეტოს“ მოსაპოვებლად „ლაციოს“ ქულების დაკარგვა აძლევდა ხელს, რომელიც ამ მატჩამდე ჩემპიონატის ლიდერს 17 ქულით ჩამორჩებოდა და გადასწრების თეორიულ შანსს ინარჩუნებდა.

32 ტურის შემდეგ „ლაციოს“ 61 ქულა აქვს, „ნაპოლისთან“ (78) ჩამორჩენა ვერ შეამცირა და ნეაპოლელები დღეს „სალერნიტანასთან“ (მატჩი 17:00 საათზე დაიწყება) თუ მოიგებენ, სეზონის დასრულებამდე ექვსი ტურით ადრე ჩემპიონობას ოფიციალურად გაიფორმებენ.