ტელეჟურნალისტი დავით აქუბარდია აქციაზე კომენდანტის საათის დროს მივიდა. მან “TV პირველის” პირდაპირ ეთერში განაცხადა, რომ ის პატრულს გამოექცა და აქციაზე შემოიპარა.
“პატრული არ მიშვებდა, მოვატყუე და გამოვძვერი. პატრულმა სხვა ეკიპაჟს შეტყობინება გადასცა არ გაატაროთ აქუბარდიაო, მაგრამ მაინც შემოვიპარე”, – განაცხადა დავით აქუბარდიამ.
როგორც მან განმარტა, აქციაზე ტელევიზიის თანამშრომლებს მოაკითხა. მან დასძინა, რომ იმედოვნებს, რომ აქცია შედეგიანი იქნება.