“ნაციონალური მოძრაობის” მაჟორიტარი დეპუტატობის კანდიდატი ნანუკა ჟორჟოლიანი გრიგოლ ვაშაძის განცხადებას სოციალურ ქსელით ეხმაურება და პოსტს აქვეყნებს.
“რა ძალზედ სახიფათო? ახლა გაიგეთ რომ კორონაა? ანუ, ბიძინას შედეგები სწორია? თუ არსებობენ ადამიანები, რომელთა მოტივაციაც მხოლოდ თბილი სავარძელია?! თურმე არიან! თუ ეს განცხადება მართალი აღმოჩნდება და ეს ადამიანი პარტიის თავმჯდომარედ დარჩება, მიმიფურთხებია ამ პარტიისთვის!” – წერს ნანუკა ჟორჟოლიანი Facebook-ზე.
ცნობისთვის, გრიგოლ ვაშაძემ ცოტა ხნის წინ პოლიტიკურ პარტიებს მიმართა და აღნიშნა, რომ პროცესი სასწრაფოდ უნდა გადაიტანონ მაგიდასთან და ქუჩა, საკანონმდებლო ორგანოს ტრიბუნით უნდა ჩაანაცვლონ.