ინფექციური საავადმყოფოს პრესსამსახურის უფროსს კორონავირუსი დაუდასტურდა. ამის შესახებ გიორგი ბერიძე თავად აცხადებს.
„კოვიდინფიცირებული ვარ… სწრფმა ტესტმა დადებითი პასუხი აჩვენა. ოფიციალური PCR პასუხიც უკვე მივიღე.
9 თვეა ინფექციური პათოლოგიისა და შიდსის ცენტრში covid-19-ის ეპიცენტრში ვტრიალებ და არაფერი მომსვლია. ვიცავდი ყველა წესსა და რეგულაციას… სადაც და საიდანაც არ ველოდი, სწორედ იქ დავინფიცირდი. ამ ეტაპზე მდგომარეობა რთული არ მაქვს. დაბალი ტემპერატურა, თავის და სახსრების ტკივილით სახლში ვაგრძელებ მკურნალობას… იმედია, მალე ყველაფერი კარგად იქნება… გული მწყდება არჩევნებზე ვერ მივალ“, – ამბობს გიორგი ბერიძე.