პარტია “დროას” წევრი მარიამ სიჭინავა სოციალურ ქსელში პოსტს აქვეყნებს და წერს, რომ მოქალაქეებს ენგურს მიღმა ექმნებათ პრობლემები.
“ძალიან დიდი ხანია ვიკავებ თავს, ახლა ამის დრო არ არის, სხვა თემებია აქტუალური და არავინ მიაქცევს ყურადღებას მეთქი, მაგრამ მოქალაქეებს ენგურს მიღმა ექმნებათ პრობლემები და ეს პრობლემა არის შერიგების სამინისტროს წარმომადგენელი, თორნიკე ხონელიძე.
აღმოჩნდა რომ ამ ბატონს, თავის თავზე აუღია ჩვენი მოქალაქეების სურსათის და სხვა საყოფაცხოვრებო ნივთების კონტროლი და ,,საბაჟოს” ატარებს მათ.
ყველა გალელმა იცის ახლა რაზეც ვსაუბრობ და ვინც არ იცით, აგიხსნით. როდესაც გალში გადადიან ჩვენი მოქალაქეები, ზუგდიდში ნაყიდი საყოფაცხოვრებო ნივთები და სურსათი მიაქვთ შინ, მაგრამ შერიგების სამინისტროს წარმომადგენელი უქმნით პრობლემას, უნდა აიღონ მისგან ნებართვა 20 კილო ყველზე, 50 ლიტრ ღვინოზე, 1 მაცივარზე და კიდევ ათას წვრილმანზე. აგერ მტკიცებულებებიც. ამ ხალხს ახლა ჩვენი დახმარება სჭირდება. თორნიკეს ნომერს არ ვფარავ, ისედაც საჯაროა და თქვენც მარტივად რომ გადაამოწმოთ.” – წერს სიჭინავა