დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოში 2500-დან 3000-მდე ოჯახის ექიმია. მისი თქმით, მნიშვნელოვანია, რომ სიმპტომების გაჩენის შემთხვევაში ექიმს დავუკავშირდეთ, თუმცა რადგან ცხელი ხაზები ხშირ შემთხვევაში გადატვირთულია, თითოეულ ადამიანს ოჯახის ექიმი უნდა ჰყავდეს და იცოდეს მათი არსებობის შესახებ.
“გასაგებია დღეს ძალიან გადატვირთულია ყველა ცხელი ხაზი – 112, 144, ჩვენი 116001, 1505, ამიტომ თითოეულ ადამიანს უნდა ჰყავდეს ოჯახის ექიმი და უნდა იცოდეს, ვინ არის მისი ოჯახის ექიმი. დღეს 2500-დან 3000 ოჯახის ექიმია ქვეყანაში. სასურველია, რომ ექიმსა და ბინებში, თუ კოვიდსასტუმროებში მყოფ პაციენტს ყოველდღიური კონტაქტი ჰქონდეთ – დღეში ერთი ზარი. უსიმპტომოები საერთო ინფიცირების 25% არიან. გადამდები, მაგრამ ნაკლებად გადამდები, ვიდრე სიმპტომებიანი” – განაცხადა გამყრელიძემ.