“ემუდარნენ და არც ერთმა საავადმყოფომ არ მიიღო… გაშალეთ საველეები, სამხედროები” – ეპიდვითარება ქვეყანაში

სარეკლამო ტექნოლოგიებისა და კომუნიკაციების სპეციალისტი, ირა ჭელიძე შემდეგი სახის მიმართვას ავრცელებს:

“ჩემი მეგობარი, ლელა ციხისელია მაღალი სიცხით. უჭირს სუნთქვა. ალერგიულია, ბრონქოსპაზმიანი. მოვიდა სასწრაფო (ძალიან მალე), გასინჯა. არ მოეწონათ ფილტვები, დარეკეს ყველგან. ვერ დავტოვებთ ასეთსო, რას იზამს ამის ფილტვები არ ვიცითო. არ შეიძლება ამის სახლში ყოფნაო.

ემუდარნენ და არც ერთმა საავადმყოფომ არ მიიღო. არაა ადგილებიო. გაუკეთეს დექსამეტაზონი და დატოვეს ოჯახის ექიმის ამარა.

ახლა მე გეკითხებით: საწოლფონდი ხომ კარგად გაქვთ? აი, ის საწოლფონდი, მაღალი ტრიბუნიდან რომ დაგვღაღადებს ქალბატონი მინისტრი? ხომ ხართ ჯანმრთელად და კარგად? რამე რომ იყოს ხომ გამონახავთ თქვენთვის ამ საწოლფონდს? ჰა? ჰოდა, ქუჩაში დარჩენას გისურვებთ ერთად და სათითაოდ. დექსას ამარა. დექსა მემეტება.

P. S. ჩართეთ ეს დედაარღანი კერძო სადაზღვეოები ან წავიდეს სახლში ტიკარაძე და მოვიდეს ის, ვინც დალაგდება კლინიკებთან, ხომ ხედავთ რომ ვერ ლაგდებით? გაშალეთ საველეები, სამხედროები, ნუ ამოგვწყვიტეთ არჩევნების გამო!” – წერს ჭელიძე.