“ასეთ ადგილებში ბურთის მოგერიება სახიფათო რამაა” – სპალეტი კვარაზე მიანიშნებს?

გუშინ იტალიის ჩემპიონატის 25-ე ტურის შეხვედრა გაიმართა, რომელშიც ლაციომ ნაპოლი გასვლაზე 0:1 დაამარცხა.

აღსანიშნავია, რომ ნეაპოლელები პირველ ნომრად თამაშობდნენ და ბურთის ფლობის პროცენტული მაჩვენებელიც მათ სასარგებლოდ იყო, თუმცა ეს ყველაფერი შედეგზე არ აისახა და სპალეტის გუნდმა სერია A-ში მეორეჯერ წააგო.

“ასეთ თამაშს ველოდი, რადგან ლაციო კომპაქტური გუნდია, ხშირად იხევენ უკან და სივრცეებს ზღუდავენ, მათ მოედნის დაბლოკვა კარგად გამოსდით. როდესაც მათ ნახევარზე გადავდიოდით, ამ დროს ვცდილობდით, რომ ლაციოს დაცვის ხაზი უკან დაგვეხია, თუმცა ამას ყველაზე უარესი გზებით ვაკეთებდით. მიუხედავად ამისა, არის ერთი რამ, რაც ძალიან მომეწონა, ეს ფეხბურთელების სწორი დამოკიდებულება, ფუნდამენტალური მენტალიტეტი და გამარჯვების სურვილია.”

წყარო – sportline.ge