ბოლო მონაცემებით, ფოთის სამკერვალო ფაბრიკაში – “აჭარა” 116 თანამშრომელს კორონავირუსი დაუდასტურდა. ინფორმაციას ამის შესახებ batumelebi.netgazeti.ge ავრცელებს. “ბათუმელები” ესაუბრა ფოთის მუნიციპალიტეტის მერიას, სადაც აღნიშნულს ადასტურებენ.
საზოგადოებრივი ჯანდაცვის პრესსამსახურის ინფორმაციით, მონაცემები ჯერ ისევ დგინდება რეგიონის მასშტაბით და ზუსტ ინფორმაციას ვერ გასცემენ, რამდენი ადამიანია ინფიცირებული უშუალოდ ფოთის სამკერვალო ფაბრიკაში.
დირექტორის ინფორმაციით, ფოთის სამკერვალო ფაბრიკაში 1200 ადამიანია დასაქმებული. ფაბრიკა დღეს დაიკეტა, კორონავირუსზე ტესტირების შემდეგ დღეს, როცა იქ დასაქმებულებს კოვიდ 19 დაუდასტურდათ.
საქართველოში დღევანდელი მონაცემებით კორონავირუსის 13 521 შემთხვევაა დადასტურებული, მათ შორის გამოჯანმრთელებულია – 7159, გარდაიცვალა 109 ინფიცირებული.