გთავაზობთ ტელეწამყვანის, იუმორისტისა და პროდიუსერის, ნაწყვეტს მიშა მშვილდაძის მიერ ჟურნალ „რეიტინგისათვის“ 2013 წელს მიცემული ინტერვიუდან, სადაც მშვილდაძე მამის პატიმრობას იხსენებს.
„ – წელს გარდაიცვალა მამაჩემი. კომიკურად ტრაგიკული ბიოგრაფიის კაცი იყო. მაგალითად, ციხიდან გამოვიდა მაშინ, როცა წესიერი ადამიანი ციხეში უნდა ჩამჯდარიყო – 1992 წელს. გამოვიდა აბსოლუტურად დაშლილი, მისთვის უცხო და ახალ არარსებულ ქვეყანაში, თავისი ძველი ჩვევებით. თუმცა მალევე აუღო ალღო ყველაფერს. პროდუქტიული ტიპი იყო. სულ რაღაცას ჩალიჩობდა, მუშაობდა. როგორც თვითონ აცხადებდა, ისიც დედასავით ინჟინერი იყო, მაგრამ ხარისხიანი და საფუძვლიანი განათლება ამ მხრივ არ მიუღია. ძირითადად მისი სამსახურები ქალაქში საკმაოდ ცნობილი ბაბუაჩემის სანაცნობო გავლენებს უკავშირდებოდა. ის თუ რამეს იჩალიჩებდა და სადმე მოაწყობდა […]
– როგორი იყო მამასდროინდელი ციხე, გახსოვს ის კედლები, ის განცდები?
– მახსოვს უინტერესო და ჭუჭყიანი კედლები. ცუდი მოგონებების დავიწყება მირჩევნია ხოლმე, ამიტომ დეტალებში ვერ გავიხსენებ. მახსოვს რიგები, “პერედაჩების” შემოწმება. ციხის თანამშრომლები საჭმლის ნაწილს იღებდნენ, თავისთვის იტოვებდნენ. ეს კოლონია ავჭალაში იყო. დავმწკრივდებოდით მე, დედაჩემი, ჩემი და და ვიდექით რიგში საათობით. ხან ვნახულობდით, ხან – ვერა“ .
წყარო: ჟურნალი “რეიტინგი“