“დღესაც თქვენი ხმა ჩამესმის ექოსავით, ძილში წამოვხტები ხოლმე” – ვოლსკი ჟურნალიტს

დიდუბის რაიონის მაჟორიტარი დეპუტატობის კანდიდატები ტელეკომპანია „რუსთავი 2“-ზე, გურამ როგავას რუბრიკაში – ერთი შეხედვით მარტივ კითხვებზე პასუხის გაცემა კანდიდატების ნაწილისთვის რთული აღმოჩნდა.

რას ჰპირდებიან კანდიდატები ამომრჩეველს, რა არის მათთვის მთავარი გამოწვევა საკუთარ საარჩევნო ოლქში და რამდენად კარგად იცნობენ ისინი რაიონს, სადაც ლიდერობისთვის იბრძვიან – ბლიც-ინტერვიუ სახალისო, თუმცა ბევრისთვის სანერვიულოც გამოდგა.

გადაცემის დროს, მაჟორიტარობის კანდიდატმა „ქართული ოცნებიდან“ გია ვოლსკიმ პარლამენტში ჟურნალისტთან „დაპირისპირებაც“ გაიხსენა.

„რა არის იცით, ბოკერიას აქვს ეგ თვისება – კი, თუ – არა. თქვენი პატივისცემით დავფიქრდი, პასუხიც შევარჩიო ვფიქრობ და თქვენ ამ დროს დამყვირიხართ თავზე, კი თუ არა! დღესაც თქვენი ხმა ჩამესმის ექოსავით ხანდახან ძილში წამოვხტები ხოლმე“ – უთხრა წამყვანს გია ვოლსკიმ.