გადაცემა „დღის პოსტს“ ანა ჯაბაური ესტუმრა, მეუღლის, ცოტნე გამსახურდიას ჯანმრთელობის მდგომარეობისა და მათი სასიყვარულო ამბების შესახებ ისაუბრა და პირველი პაემანიც გაიხსენა:
“პირველი პაემნიდან გამოვიქეცი და მერე არ ვხვდებოდი. არ მომეწონა ცოტნე. ზედმეტად თამამი იყო და არასაკმარისად გალანტური. ავდექი და ვუთხარი, რომ უნდა წავიდე, შვილიშვილი მელოდება-მეთქი და წამოვედი. მეორე, მესამე, მეოთხე მცდელობაზე რომ უარი ვუთხარი, მითხრა, რას გეხვეწები, მეორედ არ დაგირეკავო. მაინც ვერ მოითმინა და საბოლოოდ მიაღწია იმ კონდიციას, რომ მისით დავინტერესდი. კარგად
რომ გავიცანი, აღმოვაჩინე, რომ საოცარი ადამიანია და დღემდე ასეა.
ვხუმრობდი, რაც მას ვიცნობ, გუგლი არ დამჭირვებია-მეთქი. ნებისმიერ სფეროში ნებისმიერ შეკითხვაზე ჰქონდა პასუხი. ინტელექტუალური ადამიანია და ძალიან თბილი”, – ამბობს ანა ჯაბაური.
გადაცემაში სტუმრობისას ის ცოტნეს ამჟამინდელ ჯანმრთელობის მდგომარეობასაც შეეხო:
“ცოტნეს წარმოთქმულ ყველა ბგერას და მარცვალს ვზეიმობთ. ცოტათი უკეთ არის. მილიმეტრებით წინ დგამს ნაბიჯებს და გვიხარია. დღეს ახალი ბგერა წარმოთქვა, მარცვალი და ჩვენ ამას ვზეიმობთ. ჯერ ვერ ლაპარაკობს, მაგრამ იმედი გვაქვს.
რთული გზა გამოვიარეთ, წელიწად-ნახევარი პალატაში ვიცხოვრეთ. ეს ისეთი შემთხვევაა, როდესაც სიყვარულის გრძნობას ემატება სიბრალულის და უსამართლობის გრძნობა. სიყვარული სიბრალულს აძლიერებს და სიბრალული – სიყვარულს”.
წყარო: marao.ge