ჯანდაცვის მინისტრის მოადგილის თამარ გაბუნიას განცხადებით, სწავლის კიდევ ერთხელ გადადებასთან დაკავშირებით განსხვავებული გადაწყვეტილება მიღებული არ ყოფილა.
“თუ რაიმე შეიცვლება, შეგატყობინებთ” – ასე უპასუხა კითხვას, იგეგმება თუ არა სკოლებსა და ბაღებში სწავლის კიდევ გადადება. მინისტრის მოადგილის ინფორმაციით, ამ ეტაპზე არსებული გადაწყვეტილება რჩება ძალაში.
დღეის მდგომარეობით, პირველ ოქტომბერს სკოლები და ბაღები სწავლას დაიწყებენ საკლასო ოთახებში, ხოლო კოვიდინფექციის რომელიმე საგანმანათლებლო დაწესებულებაში გამოვლენის შემთხვევაში, მოხდება ლოკალური რეაგირება და იმ კონკრეტულ სკოლაში სასწავლო პროცესი შეწყდება.