კულინარიული შოუ “შეფ გეიმის” მთავარი შეფი და წამყვანი, გურამ ბაღდოშვილი აბუ-დაბიში იმყოფებოდა – გურამი ჯერ ისევ ხელშეხვეულია.
ახალი წლის ღამეს შეფ მზარეულს პიროტექნიკა აუფეთქდა და მარცხენა ხელი სერიოზულად დაიზიანა. შედეგად, დაფლეთილი მტევანი სამმა ქირურგმა აღუდგინა და აუწყო.
გურამი ამბობს, რომ პიროტექნიკის წინააღმდეგ კამპანიას სათავეში ჩაუდგება. მანამდე კი, ამჟამინდელ მდგომარეობაზე კომენტარს აკეთებს.
“ვარ მხნედ. ტკივილი ჯერ კიდევ მაქვს, რადგან სერიოზული ტრავმა მქონდა მიღებული. აქ წამოსვლამდე, ხელიდან რკინები ამომიღეს იმიტომ, რომ აეროპორტში (მგზავრობა) გამიჭირდებოდა რკინებით.
ნელ-ნელა ყველაფერი კარგად იქნება. მადლობა მოკითხვისთვის” ,- ამბობს პრაიმტაიმთან შეფი.