საქართველოში კორონავირუსით მე-20 პაციენტი გარდაიცვალა. ინფექციური საავადმყოფოს სამედიცინო დირექტორის მარინა ეზუგბაიას თქმით, გარდაცვლილი 60 წლის ქალია, რომელიც აფხაზეთიდან გადმოიყვანეს. როგორც ეზუგბაია განმარტავს, პაციენტი ქუთაისის კლინიკაში მკურნალობდა.
„ეს პაციენტი გახლავთ აფხაზეთიდან გადმოყვანილი. მასთან ერთად გადმოყვანილი იყო კიდევ 3 ადამიანი, რომელთა მდგომარეობაც კრიტიკული იყო. ქალბატონის მდგომარეობა არ გაუმჯობესდა და გარდაიცვალა 20 სექტემბერს“,- განაცხადა მარინა ეზუგბაიამ.
გავრცელებული ინფორმაციით, გარდაცვლილი მეოცე პაციენტი სოხუმის პირველი საჯარო სკოლის მასწავლებელია.