გლდანის ციხიდან კიდევ ერთი ვიდეომასალა გავრცელდა, სადაც ისმის, რას ესაუბრება გიორგი შაქარაშვილის მკვლელობაში ბრალდლებული მის თანამესაკნეს, რომელმაც მოგვიანებით გამოძიებას რევაზიშვილის საწინააღმდეგო ჩვენება მისცა.ფარულ ვიდეოჩანაწერში ისმის, რომ კობა ჩიტიძე, დეტალურად უსვამს კითხვებს ნიკა რევაზიშვილს და ცდილობს მეტი დეტალი გაიგოს საქმის დეტალებზე.
კობა ჩიტიძის ჩვენების მიხედვით, რომელიც 14 აგვისტოთი თარიღდება, ის ასახელებს კონკრეტულ ადამიანს, რომელმაც საბედისწერო ღამეს ეს ჩანთა მოათავსა ბეტონის ბურჯზე, თუმცა ციხის საკანში გაკეთებული ვიდეოჩანაწერში რევაზიშვილი არ საუბრობს ჩანთასთან დაკავშირებულ დეტალებზე და მხოლოდ იმას ამბობს, რომ ჩანთა დადებულია.
“ვეუბნებოდი მეთქი ნუ გარბიხართ, ნუ მისდევთ ადამიანს გული გადამიცივდა. ბოლო ხმაზე ვღრიალებდი მეთქი ნუ მისდევთ. ჩანთა არის ძალიან საინტერესო დეტალი… ეგ ჩანთა დადებულია …თუ ეგ ბავშვი გალახულია და გალახვის შედეგად აქვს მიღებული და არა დაგორების შედეგად მაშინ ალალია ძმაო. მეცოდება ეგეთი სიკვდილისთვის კაცი. ეშინოდა წყლის. რომ წარმომიდგენია რა სიკვდილით არის მკვდარი იმენა რა… პირველი სამი დღე სიზმარში ვხედავდი რომ იხრჩობოდა” – ამბობს რევაზიშვილი.