გიორგი შაქარაშვილის საქმეზე გამოზიებისთვის ცრუ ინფორმაციის მიწოდების ბრალდებით ერთი ადამიანი დააკავეს. ამის შესახებ ინფორმაცია პროკურორმა ამირან გულუაშვილმა პროკურატურის დღევანდელ ბრიფინგზე გაახმაურა. გულუაშვილის განმარტებით, დაკავებულია ვ.ა. მას 3-დან 7 წლამდე პატიმრობა ემუქრება.
შეგახსენებთ, გენერალურმა პროკურატურამ 19 წლის ფეხბურთელის დამამძიმებელ გარემოებებში განზრახ მკვლელობის ბრალდებით სისხლის სამართლებრივი დევნა ხუთი პირის მიმართ დაიწყო. გენპროკურატურამ შაქარაშვილის საქმეზე 11 ბრალდებულის საქმე ცალკე წარმოებად გამოყო. გიორგი შაქარაშვილის საქმეზე ხუთ დაკავებულს ბრალი დაუმძიმდა.
10 ივლისს პროკურატურამ გაავრცელა ინფორმაცია, რომლის თანახმადაც, გიორგი შაქარაშვილის სიკვდილის მიზეზია ასფიქსია წყალში დახრჩობით. ამასთან, ექსპერტიზის დასკვნით გაირკვა, რომ მას გარდაცვალებამდე მკვრივი-ბლაგვი საგნით მიყენებული დაზიანებები აქვს.
28 ივნისს გიორგი შაქარაშვილის საქმეზე ბრალდებულ 17 პირს აღკვეთის სახით პატიმრობა შეეფარდა.