“ჩვენი ბრალია, მათი წესის აგება რომ რამე გვგონია, ვდგავართ და ვეხვეწებით” – ვახო სანაია

ჟურნალისტი და ტელეწამყვანი ვახო სანაია 11 წლის გარდაცვლილი მოზარდის წესის აგების საკითხს ეხმაურება:

“ჩვენი ბრალია, მათი წესის აგება რომ რამე გვგონია, ვდგავართ და ვეხვეწებით. რომ დავტოვოთ მათსავე წესებთან და, ვისაც სწამს ღმერთის, ღმერთმა თვითონ მიხედოს იქ, სადღაც ზემოთ არ გამოვა ? დავიჯერო, ღმერთი ზის და ელოდება, ესენი როდის აუგებენ წესს ვინმეს ?” – წერს სანაია სოციალურ ქსელში.

საპატრიარქომ გაავრცელა განცხადება, სადაც აღნიშნულია, რომ ბავშვის ასაკიდან და გარემოებებიდან გამომდინარე, 11 წლის ავთანდილ აბჟანდაძისთვის წესის აგება ნებადართულია. 

ცნობისთვის, თერჯოლის მუნიციპალიტეტში მოზარდი გარდაცვლილი 23 აგვისტოს იპოვეს. 24 აგვისტოს შვილის თვითმკვლელობამდე მიყვანის ბრალდებით მამა დააკავეს. მას თერჯოლის სასამართლომ აღკვეთი ღონისძიების სახით პატიმრობა შეუფარდა.

.