საპატრიარქოს პროტოპრესვიტერმა, გიორგი ზვიადაძემ დაადასტურა, რომ სურამში მომხდარ მკვლელობაში ბრალდებული მისი ნათლულია. გარდაცვლილის ოჯახის წევრები ამბობენ, რომ პროტოპრესვიტერი ბრალდებულს მფარველობს.
ბრალდებას უარყოფს მამა გიორგი ზვიადაძე და აღნიშნავს, რომ დამნაშავის ხელის დაფარება დაუშვებელია და მან შესაბამისად უნდა აგოს პასუხი.
“დაუშვებელია, რომ რომელიმე პიროვნება ცდილობდეს იმას, რომ ბრალდებულს პასუხისმგებლობა აარიდოს თავიდან. ერთადერთი სწორი მიდგომა ისაა, რომ გამოძიების მსვლელობაში არავინ ჩაერიოს, წარიმართოს ის ობიექტურად და ამომწურავად. შემდგომ კი სასამართლოზე იქნება დამოკიდებული თუ რა გადაწყვეტილებას მიიღებს” – განაცხადა გიორგი ზვიადაძემ.