თელავის მუნიციპალიტეტის სოფელ ქვემო ხოდაშენში საცხოვრებელი სახლი დაიწვა.
მაშველებმა თელავის მუნიციპალიტეტში დამწვარ სახლში მამაკაცის ცხედარს მიაგნეს.
სოფელ ქვემო ხოდაშენში ხმიადაშვილების საცხოვრებელ სახლს, ცეცხლი დღეს, გამთენიისას გაუჩნდა.
ადგილობრივების ინფორმაციით, ახალგაზრდა მამაკაცი ცეცხლმოკიდებული სახლის მეორე სართულზე, ჯერ დაუდგენელი მიზეზით შევიდა და გამოსვლა ვეღარ შეძლო.
დაღუპული 39 წლის გიორგი ხმიადაშვილია. გარდაცვლილს ცოტა ხანში, გურჯაანში სამხარაულის სახელობის ექსპერტიზის ბიუროში გადაასვენებენ.საცხოვრებელი სახლი სრულად დამწვარია.