რუსეთში, ყაზანის დასავლეთით გაზსადენზე აფეთქება მოხდა. შედეგად, სამი ადამიანი დაიღუპა, ერთი კი დაშავდა.
საგანგებო სიტუაციების სამსახურის განცხადებით, ხანძარი იმ გაზსადენზე გაჩნდა, რომლითაც ბუნებრივ აირს ევროპა იღებს. გაზსადენი უკრაინის ტერიტორიაზე გადის.
რუსული მედიის ცნობით, ინცინდენტი ჩებოკსარიდან 50 კილომეტრში მოხდა. გავრცელებული ინფორმაციით, გაზსადენზე გეგმიური ტექნიკური სამუშაოების ჩატარების დროს აირმა გაჟონა, რის გამოც მიწისქვეშა მილსადენზე ხანძარი გაჩნდა.
მომხდარის გამო გაზსადენით ბუნებრივი აირის ტრანსპორტირება შეწყდა.