დათო ხუჯაძესა და მის მეუღლეს, ეკა დალაქიშვილს, ცოტა ხნის წინ ქალიშვილი შეეძინათ, რომელსაც ილა დაარქვეს. დათო არაერთ ინტერვიუში აღნიშნავდა, რომ მეორე შვილის დაბადებამ ძალიან შეცვალა. ამჯერად ის ჟურნალ “სარკესთან” საუბრობს. ის ამბობს, რომ პატარას ხშირად ყიდულობს ლამაზ კაბებს და ეს პროცესი სიამოვნებას ანიჭებს:
“გარდა იმისა, რომ ეს არის დიდი პასუხისმგებლობა, მეორე შვილის დაბადებამ ახალი აზრი მისცა ჩემს ცხოვრებას. საერთოდ, ვთვლი, რომ რაც უფრო მეტი შვილი გეყოლება, მით უკეთესია. მეც არ ვაპირებ ამაზე გაჩერებას. ბავშვების მაღაზიას
გულგრილად ვერ ჩავუვლი. აუცილებლად შევალ და რამეს მაინც ვუყიდი. თუ საზღვარგარეთ ვარ, უფრო გამძაფრებული ინტერესი მაქვს საბავშვო მაღაზიების მიმართ. მიყვარს, როდესაც ჩემი გოგონასთვის ლამაზ კაბებს ვყიდულობ” – აღნიშნავს დათო ხუჯაძე.