“მაუზერები აკლიათ… ქუჩაშიც დაგვხვრეტენ, რამე რომ იყოს…” – ვის შესახებ საუბრობს მეუფე იაკობი

ბოდბელმა ეპისკოპოსმა, იაკობმა საკვირაო ქადაგებისას განაცხადა, რომ ევროპისკენ მიმავალი ადამიანები ბოლშევიკებს აგონებს.

„ადამიანი მოაზროვნე არსებაა და იდეოლოგიის მსხვერპლი არ უნდა გავხდეთ. ბოლშევიკების პერიოდს მაგონებს ეს ვითომ ევროპისკენ მიმავალი ადამიანები, ჩვეულებრივ მაუზერები აკლიათ და კორჩაგინის ქუდები წითელი ვარსკვლავით, თორემ ქუჩაშიც დაგვხვრეტენ, რამე რომ იყოს… შეეშვით ეკლესიასთან ესეთ საუბარს, არ დაგითმობთ, საქართველოს წინააღმდეგ მიდიხართ. თუ დაიწყებთ რაღაცას, ჩვენს შეგვიძლია თქვენი სახე წარმოვაჩინოთ მთლიანად. კი არ გემუქრებით, უბრალოდ იცოდეთ, ვისთან გაქვთ საქმე. ეშმაკი რამდენი ხანია ებრძვის ღმერთს და მაინც დამარცხდება“, – განაცხადა მეუფე იაკობმა.