ჩვენ რომ საზღვარი გაგვეხსნა და 10 შემთხვევა დაფიქსირებულიყო, მერე გენახათ, რა დღეში იქნებოდა ოპოზიცია – იტყოდნენ, რა დროს ეკონომიკაა, როცა ადამიანების ჯანმრთელობაზეა საუბარი. ახლა ისინი საპირისპიროს საუბრობენ. კიდევ ერთ გამოწვევად, რომელიც საერთაშორისო მასშტაბით დასახელდა – მთავრობებს მოუწევთ არაპოპულარული გადაწყვეტილებების მიღება, რათა სწორი მიმართულება მისცენ პროცესს. არ არსებობს გადაწყვეტილება, რომელსაც ამ შემთხვევაში უარყოფითი მხარე არ ექნებოდა, – ამის შესახებ ტელეკომპანია „იმედის“ გადაცემაში „დღის ქრონიკა“ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ განაცხადა.
„ეკონომიკური რეცესია არის არა მხოლოდ შედეგი, არამედ პანდემიის მკურნალობის საშუალებაც. ეკონომიკური რეცესია რომ არა, მსოფლიო ვერ გაართმევდა თავს პანდემიას, ვინაიდან რეცესია მხოლოდ რამის შედეგად კი არ დგება. ჩვენ რომ საზღვარი გაგვეხსნა და 10 შემთხვევა დაფიქსირებულიყო, მერე გენახათ, რა დღეში იქნებოდა ოპოზიცია – იტყოდნენ, რა დროს ეკონომიკაა, როცა ადამიანების ჯანმრთელობაზეა საუბარი. ახლა ისინი საპირისპიროს საუბრობენ. კიდევ ერთ გამოწვევად, რომელიც საერთაშორისო მასშტაბით დასახელდა – მთავრობებს მოუწევთ არაპოპულარული გადაწყვეტილებების მიღება, რათა სწორი მიმართულება მისცენ პროცესს. არ არსებობს გადაწყვეტილება, რომელსაც ამ შემთხვევაში უარყოფითი მხარე არ ექნებოდა, უბრალოდ შენ სასწორზე დებ – რომელ მხარეს არის უფრო მეტი ტვირთი. ჩვენი აზრით, უფრო დიდი ტვირთი დააწვებოდა ეკონომიკას, თუ გაჩნდებოდა გავრცელების ფაქტორით გამოწვეული დესტაბილიზაცია. მთელი მსოფლიო საუბრობს იმაზე, რომ ადამიანები აღარ დახარჯავენ საერთაშორისო ტურიზმზე თავიანთი დანაზოგების დიდ ნაწილს. შიდა ტურიზმისთვის ჩვენ მეტ-ნაკლებად კარგი მოცემულობა გვაქვს, სწორედ იმიტომ რომ დაკეტილი ქვეყანა ვართ, მაგრამ საზღვრების გახსნა ამ სფეროსაც დააზიანებდა. ყველაზე დიდ გამოწვევად რჩებიან მოქალაქეები, რომლებიც სხვა ქვეყანაში სამუშაოდ მიდიოდნენ. ჩვენი ყველა ძირითადი ეკონომიკური პარტნიორი – სომხეთი, აზერბაიჯანი, თურქეთი, რუსეთი – ურთულეს მდგომარეობაშია, ამიტომ ასეთი სიტუაციიდან ნეგატიური შედეგების გარეშე ვერანაირად ვერ გამოვიდოდით. იძულებულები ვართ ვიფიქროთ იმაზე, რომელი გზა მოგვიტანს ყველაზე მინიმალურ დანაკარგს“, – განაცხადა კაკულიამ.