„ნაციონალური მოძრაობის“ წევრი, ეკა წამალაშვილი სოციალურ ქსელში საქართველოს პატრიარქის, ილია მეორეს შესახებ წერს, რომელმაც რუსეთის პატრიაქრს გუშინ დაბადების დღე მიულოცა.
„ახლა არ თქვათ მოხუცდაო, ეტყობა მოსაყდრემ დაუწერაო და ა. შ. 2008 წლის ომის მერე მოსკოვში თავად არ წავიდა? და პუტინს ” თბილი და ყურადღებიანი” არ უწოდა? ან სტალინს ” ქრისტიანი.. ” ნეტა იმას, ვისავ 9 აპრილის ღამის მერე ეს ყველაფერი გაუკვირდა. არადა, რა საოცრად მიატოვა ხალხი იმ ღამეს, უკანმოუხედავად. სხვათაშორის, ომის მერე მოსკოვში ჩასულმა ილია მეორემ, იქ ასლან აბაშიძე მოინახულა და გაამხნევა. სამწუხაროდ, წამებულ პრეზიდენტებს არც ერთხელ შეწევია სიტყვით და საქმით, თორემ ავაზაკებს – კი ბატონო.
ბავშვების სისხლით გაუმაძღარ რუსეთის პატრიარქს ვინც ამქვეყნიურ სიკეთეს უსურვებს, კეთილი არაა. დანარჩენი უძლეველმა წმინდა გიორგიმ იცის. შეეწიოს უპირველესად უკრაინას და მერე ყველას – ბოროტების შებოჭვაში“, – წერს ეკა წამალაშვილი.