9 წლის ფეხბურთელის ცხედარზე ჩატარებული შინაგანი ექსპერტიზით გიორგი შაქარაშვილს ძლიერი ფიზიკური ზემოქმედების კვალი დადასტურდა.
ექსპერტი განცხადებით, “ასეთი სიძლიერის დარტყმის მისაყენებლად მუშტიც არ იქნებოდა საკმარისი”.
ალექსანდრე გეჯაძე განმარტავს, რომ გიორგი შაქარაშვილს როგორც შინაგანი, ასევე გარეგანი დაზიანებები აღენიშნება.
“ბლაგვი ხასიათის ტრავმა, ძირითადად სისხლნაჟღენთების სახით. გარეგნულად, სხეულის სხვადასხვა მიდამოებში – მათ შორის სახის არეში. ამავდროულად ჰქონდა ბლაგვი ხასიათის მორფოლოგიური სურათის მქონე ტრავმა შინაგანი გამოკვლევის პროცესშიც. ამ დაზიანებების მისაყენებლად საკმაო ძალა იყო საჭირო. ანუ მექანიკური, საკმაო ძალის ზემოქმედება – არა მუშტი”- აცხადებს გეჯაძე.