თურქეთში გარდაცვლილი მარიამის დედა, რუსკა ხუციშვილი მიმართვას ავრცელებს და წერს, რომ საქართველოს მთავრობა ცხედრის გამოყვანაში დაეხმარა მხოლოდ ოჯახს, კლინიკისა თუ სხვა ხარჯები კი ბავშვის ნათესავების დასაფარია.
“ხალხო, მიცვალებული, მაინც დავკრძალო დამაცადონ. ამ ანგარიშებს, რომ გვიგზავნიან მთავრობა მხოლოდ კლინიკიდან გამოყვანაში დაგვეხმარა როგორც ჩანს, მაგრამ ყველნაირი ხარჯები ჩვენი დასაფარია, ბილეთებიც, გადმოყვანაც და საავადმყოფოს დავალიანებაც. ხელი მოგვაწერინეს, სხვა გამოსავალი არ მქონდა როგორღაც იქიდან ბავშვი გამომეყვანა”, – წერს რუსკა ხუციშვილი.
16 წლის მარიამი, რომელიც მიელოიდურ ლეიკემიას ებრძოდა, თურქეთის ერთ-ერთ კლინიკაში გარდაიცვალა. ოჯახს ცხედარს საავადმყოფოდან არ ატანენ, რადგან მარიამის სახელზე 44 ათასი დოლარის დავალიანება ირიცხებოდა. რამდენიმედღიანი დაყოვნების შემდეგ, საქმეში საქართველოს მტავრობა ჩაერია, რის საფუძველზეც მარიამის ცხედარი სამშობლოში გადმოასვენეს.